ललितपुर ।किस्ट टिचिङ हस्पिटल र भारतको मेदान्ता गुरुग्रामबीचको सहकार्यमा बाल शल्यचिकित्सा तथा बाल युरोलोजीसम्बन्धी विशेष शैक्षिक तथा चिकित्सकीय अन्तरक्रिया कार्यक्रम सम्पन्न भएको छ। ‘किस्टमेदान्ता क्लिनिको सर्जिकल एक्सिलेन्स कोलाबोरेसन’ अन्तर्गत आयोजित उक्त कार्यक्रममा बालबालिकामा देखिने जटिल शल्य तथा युरोलोजिकल समस्या र तिनको आधुनिक उपचार पद्धतिबारे चिकित्सकहरूबीच ज्ञान तथा अनुभव आदानप्रदान गरिएको हो।
कार्यक्रममा भारतको मेदान्ता अस्पतालका बाल शल्यचिकित्सक तथा बाल युरोलोजिस्ट डा. सन्दीपकुमार सिन्हाले बाल शल्यचिकित्साका आधुनिक आयाम, उपचारका क्रममा अपनाउनुपर्ने दृष्टिकोण तथा जटिल अवस्थाको व्यवस्थापनबारे कार्यपत्र प्रस्तुत गर्नुभएको थियो।
अस्पतालका अनुसार नेपालमै गुणस्तरीय र विशिष्टीकृत स्वास्थ्य सेवा उपलब्ध गराउने उद्देश्यसहित यो साझेदारी अघि बढाइएको हो। किस्ट टिचिङ हस्पिटलमा उपलब्ध अनुभवी बहुविषयगत चिकित्सकीय टोली र क्लिनिकल संरचनालाई अन्तर्राष्ट्रिय विशेषज्ञतासँग जोडेर सेवा प्रवाहलाई थप प्रभावकारी बनाइएको अस्पतालले जनाएको छ।
यस सहकार्यमार्फत जटिल स्वास्थ्य समस्या भएका बिरामीहरूका लागि दोस्रो विशेषज्ञ राय (सेकेन्ड ओपिनियन) तथा दूरचिकित्सा (टेलिमेडिसिन) सेवासमेत नियमित रूपमा उपलब्ध गराइँदै आएको छ।
किस्ट टिचिङ हस्पिटलले यस सहकार्यलाई शैक्षिक आदानप्रदानसँगै प्रत्यक्ष बिरामी उपचारको गुणस्तर सुधारमा केन्द्रित गर्दै आगामी दिनमा पनि अन्य विशेषज्ञ विधामा यस्ता अन्तरक्रिया र परामर्श सेवालाई निरन्तरता दिने जनाएको छ।
फेसबुक प्रतिक्रिया
सम्बन्धित समाचार
नयाँ अपडेट
-
विपदमा जोडिएको मानवीय नाता: छोटो सूचनामै १०७ जनाले दिए रगत
-
बाढीपहिरो प्रभावितलाई १५ लाख सहयोग गर्ने इक्यानको घोषणा, ३०औं स्थापना दिवसका कार्यक्रम स्थगित
-
बाढी प्रभावित क्षेत्रको स्थलगत निरीक्षणका लागि प्रधानमन्त्री शाह नुवाकोट प्रस्थान
-
रसुवा बाढी: टिमुरेबाट ११६ जनाको सकुशल उद्धार, राहत र उद्धार कार्य तीव्र पारिएको प्रधानमन्त्रीको भनाइ
-
चीनको तिब्बतबाट आएको भोटेकोशी बाढीले रसुवामा ठूलो क्षति : तटीय क्षेत्रमा उच्च सतर्कता, उद्धारमा सेनाको हेलिकप्टर
-
विदेश जाने विद्यार्थीलाई गन्तव्यसम्मै सहयोग गर्न इक्यान र एनआरएनएबीच सम्झौता
-
स्वर्णजयन्ती विशेष ‘नाडा अटो शो २०२६’ सुरु: नीतिगत स्थिरता र स्वदेशी उत्पादनमा जोड
-
सवारी साधनलाई विलासिताको वस्तु नठान्न सरकारलाई व्यवसायीको आग्रह, अन्तर्राष्ट्रिय स्तरको प्रदर्शनी केन्द्रको माग
-
नाडा अटो शो २०२६ को तयारी पूरा: भोलि उद्घाटन हुँदै, दुई स्थानमा पार्किङ
-
किस्ट र भारतको मेदान्ता अस्पतालको सहकार्यमा बाल शल्यचिकित्सासम्बन्धी अन्तरक्रिया सम्पन्न