काठमाडौँ  ।सम्माननीय प्रधानमन्त्री वालेन्द्र शाह बाढी प्रभावित क्षेत्रको स्थलगत निरीक्षणका लागि आज बिहान सडकमार्ग हुँदै नुवाकोटको विदुरतर्फ प्रस्थान गर्नुभएको छ। आज बिहान ९:३० बजे मुख्य प्रभावित क्षेत्रतर्फ लाग्नुभएका प्रधानमन्त्री शाहको टोलीमा पूर्वाधार विकास मन्त्री सुनिल लम्साल पनि सहभागी हुनुहुन्छभ्रमणका क्रममा प्रधानमन्त्री र पूर्वाधार मन्त्रीको टोलीले बाढीबाट भएको भौतिक क्षतिको प्रत्यक्ष अवलोकन गर्नेछ। उहाँहरूले स्थानीय प्रशासन, सुरक्षा निकाय र जनप्रतिनिधिसँग राहत, पुनर्स्थापना र अवरुद्ध पूर्वाधार सञ्चालनका विषयमा छलफल गर्ने कार्यक्रम छ। साथै, प्रभावित क्षेत्रमा द्रुत गतिमा राहत पुर्‍याउन र पूर्वाधार पुनर्निर्माणको कामलाई तीव्रता दिन उहाँहरूले सम्बन्धित निकायलाई आवश्यक निर्देशन दिनुहुनेछ।बाढीका कारण धेरै स्थानमा क्षति पुगेको भए पनि समय अभावका कारण प्रधानमन्त्री शाहले आज मुख्य रूपमा नुवाकोटको विदुर र त्यस आसपासका प्रभावित बस्तीहरूको मात्र निरीक्षण गर्नुहुने जनाइएको छ।हिजो रसुवाको भोटेकोशी हुँदै आएको बाढीले नदी तटीय क्षेत्रहरूमा व्यापक क्षति पुर्‍याएको थियो। बाढीको विपद्लगत्तै उच्चस्तरीय बैठकहरू आह्वान गरी उद्धार तथा राहतका लागि मातहतका निकायलाई निर्देशन दिनुका साथै प्रधानमन्त्री शाह यस कार्यमा निरन्तर सक्रिय रहँदै आउनुभएको छ।