काठमाडौँ। नेपालका लागि किया गाडीको आधिकारिक विक्रेता कन्टिनेन्टल ट्रेडिङ इन्टरनेसनलले आफ्नो बहुप्रतीक्षित, प्रिमियम र अत्याधुनिक तेस्रो पुस्ताको SUV ‘All-New Kia K3 Seltos’ आधिकारिक रूपमा नेपाली बजारमा सार्वजनिक गरेको छ । काठमाडौंको गैरीधारास्थित सिल्भर ओकमा आयोजित एक भव्य र विशेष समारोहका बीच यो नयाँ जेनेरेसन SUV को अनावरण गरिएको हो । नयाँ के३ (K3) प्लेटफर्ममा निर्मित यो एउटै गाडीमा ग्राहकले विश्वस्तरीय डिजाइन, उच्च सुरक्षा, आधुनिक प्रविधि र आरामदायी ड्राइभिङ अनुभवको बेजोड संगम पाउन सक्नेछन्, जसले नेपाली अटोमोबाइल बजारमा नयाँ बेन्चमार्क खडा गर्ने विश्वास गरिएको छ ।

ग्लोबल ब्रान्ड कियाको ‘अपोजिट्स युनाइटेड’ (Opposites United) डिजाइन दर्शनमा आधारित यो SUV ले प्रिमियम र फ्यूचरिस्टिक गाडी खोज्ने नेपाली ग्राहकको चाहनालाई पूर्ण रूपमा सम्बोधन गरेको छ । सर्वोत्कृष्ट सुरक्षालाई आफ्नो मुख्य प्राथमिकता बनाएको यो मोडलले प्रतिष्ठित भारत क्र्यास टेस्ट (BNCAP) मा ५-स्टार (5-Star BNCAP) सुरक्षा रेटिङ हासिल गरेको छ, जुन कुल ८१ अंकमा ७६.७ अंकसहित यस सेगमेन्टकै सबैभन्दा उत्कृष्ट र सुरक्षित स्कोर हो । कियाले सुरक्षा र विलासिताको मामिलामा कुनै सम्झौता नगर्ने आफ्नो विरासतलाई यो नयाँ उत्पादनमा अझ दर्बिलो गरी प्रस्तुत गरेको छ ।

यो अत्याधुनिक SUV मा सुरक्षाका लागि लेभल २ ADAS (Advanced Driver Assistance Systems) जडान गरिएको छ, जसले चालक र यात्रुलाई सडकमा पूर्ण सुरक्षाको प्रत्याभूति दिन्छ । यसका साथै, ६ वटा एयरब्याग र २१ वटा स्ट्यान्डर्ड सुरक्षा सुविधाहरूले यसलाई सडकको जुनसुकै परिस्थितिमा पनि अभेद्य र सुरक्षित बनाउँछन् । गाडीको भित्री भाग (क्याबिन) लाई अत्यन्तै फराकिलो, बलियो र विलासी बनाइएको छ, जहाँ यात्रा गर्दा उच्च स्तरको आरामदायी महसुस हुन्छ । प्रिमियम फिचर्सका रूपमा यसमा रहेको प्यानोरामिक डिस्प्ले र प्यानोरामिक सनरुफले यात्रालाई झनै रोमाञ्चक र आधुनिक बनाउनेछन् ।

किया नेपालले नेपाली ग्राहकहरूको फरक-फरक बजेट, चाहना र आवश्यकतालाई गहिरोसँग बुझेर यो नयाँ मोडलसँगै यसअघिको चर्चित र सफल पहिलो पुस्ताको सेल्टोसलाई पनि बजारमा निरन्तरता दिने रणनीतिक निर्णय गरेको छ । यसले गर्दा ग्राहकहरूले आफ्नो अनुकूलता अनुसार कियाको प्रविधि र भरोसाको अनुभव लिन पाउनेछन् ।

नेपाली बजारका लागि यस ‘अल-न्यु किया के३ सेल्टोस’ का विभिन्न चार वटा अत्याधुनिक र शक्तिशाली भेरियन्टहरूको मूल्य सूची यसप्रकार तोकिएको छ:

• HTK (O): रू. ६८,९०,०००

• HTK (O) IVT: रू. ७५,९०,०००

• HTX (A) IVT: रू. ८५,९०,०००

• X-Line (A) 7DCT: रू. ९५,९०,०००

सवारी धनीहरूलाई फ्युचरिस्टिक र स्टाइलिस ड्राइभिङको अनुभव गराउन तयार पारिएको यो नयाँ SUV अहिले देशभर रहेका किया नेपालका सम्पूर्ण आधिकारिक डिलर नेटवर्कहरू मार्फत बुकिङ र टेस्ट ड्राइभका लागि खुला भइसकेको छ । प्रिमियम ड्राइभिङको नयाँ परिभाषा बुझ्न र नयाँ युगको प्रविधि अनुभव गर्न कम्पनीले सम्पूर्ण गाडी प्रेमीहरूलाई नजिकैको किया शोरुममा सम्पर्क गर्न  आह्वान गरेको छ ।