काठमाडौँ: नृत्य विधामा उत्कृष्ट प्रतिभाहरूको खोजी गर्ने उद्देश्यले आयोजित ‘भर्सटायल डान्सिङ स्टार सिजन-३’ को उपाधि सिनियरतर्फ सुबिक्षा श्रेष्ठ र जुनियरतर्फ श्रीया घिसिङ, शिरिष तामाङ र छिमी ल्हामु ह्योल्मोले चुमेका छन्।

‘भर्सटायल डान्स स्टुडियो’को आयोजनामा सम्पन्न ग्राण्ड फिनालेमा अन्य प्रतिस्पर्धीलाई पछि पार्दै उनीहरूले यो सिजनको ताज पहिरिएका हुन्।

प्रतिस्पर्धाको सिनियर विधामा यशोदा गिरी फस्ट रनरअप र हेमा गिरी सेकेन्ड रनरअप घोषित भएका छन्। त्यसैगरी, निकै प्रतिस्पर्धात्मक जुनियर विधामा खुसी तामाङ, निमिषा मगर र आशिका राई फस्ट रनरअप बन्दा समिना तामाङ, रुभानी गुरुङ र दिव्या गुरुङ सेकेन्ड रनरअप बन्न सफल भए।

उपाधि विजेताबाहेक अन्य विधामा पनि विद्यार्थीहरूले उत्कृष्ट अवार्ड हात पारेका छन्। जसमा ‘स्टुडेन्ट अफ द इयर’को अवार्ड जुनियरतर्फकी विजेता श्रीया घिसिङले नै हात पारेकी छन् भने ‘भर्सटायल डान्सर अवार्ड’ प्रिया तामाङले जितिन्।

त्यस्तै, निमिषा मगरले ‘मस्ट ट्यालेन्टेड’, सुजन श्रेष्ठले ‘मस्ट डिसिप्लिन’, दीपिका मगरले ‘मस्ट हेल्पफुल’ र एन्जल लामाले ‘ट्राइ माइ बेस्ट’ अवार्ड प्राप्त गरेका छन्। कोरियोग्राफीतर्फ बबिता मगर (जुनियर) र कृति सुनुवार (सिनियर) ले ‘बेस्ट कोरियोग्राफर’को अवार्ड जितेका छन्।

‘भर्सटायल डान्सिङ स्टार सिजन-३ तथा सम्मान कार्यक्रम २०८३’ नाम दिइएको उक्त कार्यक्रममा नृत्यबाहेक सामाजिक क्षेत्रमा योगदान पुर्‍याउने व्यक्तित्वहरूलाई पनि सम्मान गरिएको थियो।

कार्यक्रममा ८३ वर्षीया सामाजिक कार्यकर्ता गंगा तामाङलाई ‘ज्येष्ठ नागरिक तथा सामाजिक अभियन्ता सम्मान’ प्रदान गरिएको थियो। साथै, विद्यार्थीहरूलाई निरन्तर साथ दिने बिमा गुरुङ र विनोद श्रेष्ठलाई ‘मिहिनेती तथा अनुशासित अभिभावक’को रूपमा सम्मान गरिएको थियो।

गोकर्णेश्वर नगरपालिकाकी उपमेयर सान्नानी लामाको प्रमुख आतिथ्यता तथा पूर्णबहादुर स्याङ्तानको सभापतित्वमा सम्पन्न कार्यक्रममा ‘चलचित्र मेकर्स’का कार्यकारी हेड शंकर पाण्डे विशेष अतिथिका रूपमा उपस्थित थिए।

श्रीमा सुनुवारको संयोजनमा सम्पन्न कार्यक्रमको निर्णायक (जर्ज) को भूमिकामा शेखर घर्ती मगर र सनोज प्रजा रहेका थिए। कार्यक्रमको सञ्चालन चाहना राना मगर र योगेश लामाले गरेका थिए।