काठमाडौं । हालको विषम परिस्थितिमा केही समूहहरूले सर्वसाधारण नागरिक तथा सार्वजनिक सम्पत्तिमा क्षति पु¥याउने, लुटपाट र आगजनी गर्ने गतिविधि भइरहेको भन्दै नेपाली सेनाले यस्ता कार्य नगर्न सर्वसाधारणलाई आह्वान गरेको छ।

नेपाली सेनाको जनसम्पर्क तथा सूचना निर्देशनालयले मंगलबार जारी गरेको विज्ञप्तिमा यस्ता गतिविधिहरू रोक्नका लागि नेपाली सेना सहित अन्य सम्पूर्ण सुरक्षा निकायहरू आ–आफ्नो जिम्मेवारी अनुसार सक्रिय हुने उल्लेख गरिएको छ।

विज्ञप्तिमा भनिएको छ, “नेपाल र नेपालीको सुरक्षाका लागि स्थिति नियन्त्रण गर्न मिति २०८२ भदौ २४ गते राति १० बजेदेखि दुवै रहने प्रतिबद्धता प्रष्ट पारिन्छ।”

सेनाले राष्ट्रिय सुरक्षाका लागि सम्पूर्ण नागरिकलाई सहयोग गर्न पनि अनुरोध गरेको छ। साथै, सुरक्षाको अवस्था अनुसार परिस्थितिको पुनर्मूल्यांकन गरी थप जानकारी सार्वजनिक गर्ने जनाएको छ।