काठमाडौं । नेपालको सबैभन्दा ठूलो अटोमोबाइल प्रदर्शनी ‘नाडा अटो शो २०२६’ आइतबार काठमाडौंको भृकुटीमण्डपमा सफलतापूर्वक सम्पन्न भएको छ।
आर्थिक सुस्तता र प्रतिकूल मौसमका बाबजुद पनि दर्शकहरूको उल्लेख्य सहभागिता रहेको यस मेलामा नयाँ सवारीसाधन र विशेषगरी विद्युतीय सवारी (ईभी) को उत्साहजनक प्रदर्शन रह्यो भने बीवाईडी, यामाहा लगायतका पाँच स्टल उत्कृष्ट घोषित भएका छन्।
भदौ ९ गतेदेखि १४ गतेसम्म चलेको यस प्रदर्शनीमा २०० भन्दा बढी स्टलहरू राखिएका थिए। मेलामा २४ वटा यात्रुवाहक (प्यासेन्जर) भेहिकल, १९ वटा लाइट कमर्सियल भेहिकल, १२ वटा दुईपांग्रे ब्राण्ड तथा ३३ वटा बैंक, वित्तीय संस्था र सेवा प्रदायकहरूको सहभागिता रहेको थियो। यस पटकको मेलामा बीवाईडी, टाटा, हुन्डाई, नेटा, अवतार, जिकर, चेरी, डोङफेङ लगायतका ब्राण्डले ल्याएका नयाँ मोडल र विद्युतीय सवारीसाधनहरू अवलोकनकर्ताको मुख्य आकर्षणको केन्द्र बनेका थिए। मेलामा प्यासेन्जर सवारीदेखि कमर्सियल सवारी, अटो कम्पोनेन्ट, र लुब्रिकेन्ट्ससम्मका उत्पादनहरू प्रदर्शन गरिएका थिए।
सवारीसाधनको खरिदबिक्रीलाई सहज बनाउन मेलामा बैंक तथा वित्तीय संस्थाहरूबीच पनि कडा प्रतिस्पर्धा देखिएको थियो। ग्राहकलाई आकर्षित गर्न बैंकहरूले सस्तो ब्याजदर, सहज कर्जा सुविधा, विशेष छुट अफर र सहज किस्ताबन्दी (EMI) जस्ता सुविधाहरू सार्वजनिक गरेका थिए, जसले ग्राहकलाई सवारीसाधन किन्न थप सहज बनाएको थियो।
नाडाका अनुसार देशको अर्थतन्त्र सुस्त रहेको र मेलाको सुरुवाती दिनमा बाढीपहिरो जस्ता प्राकृतिक प्रकोपको प्रभाव परे तापनि अवलोकनकर्ताको उपस्थिति निकै उत्साहजनक रह्यो। नाडाका अध्यक्ष सुरेन्द्रकुमार उप्रेतीले विषम परिस्थितिका बाबजुद पनि अटोमोबाइल व्यवसायी, अवलोकनकर्ता र सरोकारवालाबाट प्राप्त सहयोग र सद्भावप्रति आभार व्यक्त गरे। उनले भने, “परिस्थितिले हामीलाई कमजोर बनाउन सक्छ, तर हामी आफू कमजोर बन्न सक्दैनौं।” उप्रेतीले यो मेला सवारीसाधन बिक्री गर्ने थलो मात्र नभई नेपालको अटोमोबाइल क्षेत्रको भविष्य र नयाँ प्रविधिको प्रदर्शन गर्ने महत्त्वपूर्ण मञ्च बनेको तथा यसले रोजगारी र उद्यमशीलतालाई समेत प्राथमिकता दिएको बताए।
मेलाको अन्त्यमा नाडाले गठन गरेको तीन सदस्यीय निर्णायक समितिले विभिन्न विधामा पाँच उत्कृष्ट स्टलहरू छनोट गरी पुरस्कृत गरेको छ। उत्कृष्ट घोषित भएका स्टलहरू यस प्रकार छन्:
-
प्यासेन्जर भेहिकलतर्फ: साइमेक्स इन्क प्रा.लि. (BYD)
-
दुईपांग्रे सवारीतर्फ: एमएडब्लु वृद्धि कमर्सियल भेहिकल्स प्रा.लि. (YAMAHA)
-
कमर्सियल भेहिकलतर्फ: सिप्रदी ट्रेडिङ प्रा.लि. (टाटा)
-
अटो कम्पोनेन्टतर्फ: अटोपार्ट्स प्रा.लि. (मिसिलिन टायर)
-
बैंक तथा वित्तीय संस्थातर्फ: माछापुच्छ्रे बैंक
फेसबुक प्रतिक्रिया
सम्बन्धित समाचार
नयाँ अपडेट
-
विधानले अब सभापति बन्न दिँदैन, पूर्वसभापतिको हैसियतमा महाधिवेशन उद्घाटन गर्नुस् : गगन थापा
-
अव्यावहारिक नियमावली सच्याउन मन्त्रालयसमक्ष इक्यानको अपिल
-
बाबुराम लम्साल : अक्षर, अध्यापन र साधनाको अविराम यात्रा
-
वाल्चाबाट नेपालका बाढीपीडितका लागि करिब ३३ लाख रूपैयाँ सहयोग संकलन: २५० भन्दा बढीको सहभागिता, मेयर एरिक नोभाकाससहित स्थानीय समुदायको ऐतिहासिक साथ
-
रसुवा बाढी अपडेट: मृत्यु हुनेको संख्या १,३५५ पुग्यो, करिब ५ हजार अझै बेपत्ता १३ हजारभन्दा बढीको सकुशल उद्धार, २१ हजार सुरक्षाकर्मी परिचालन
-
भोटेकोशी बाढी : २४४ शव शिक्षण अस्पतालमा, १६१ को व्यवस्थापन
-
रसुवा बाढी विपद्ः संसदमा प्रधानमन्त्रीको बेलिबिस्तार ३९ सय अझै बेपत्ता, ११ हजारको उद्धार, जलवायु परिवर्तनको गम्भीर असर
-
बाढी-पहिरो प्रभावितका लागि केआईईसीद्वारा प्रधानमन्त्री राहत कोषमा १५ लाख ५५ हजार सहयोग
-
भोटेकोशी बाढी: उद्धार र सुरक्षामा ८ हजार प्रहरी परिचालन, विपद्मा लुटपाट र ठगी गर्ने पक्राउ
-
सुबिक्षा, श्रीया, शिरिष र छिमीलाई ‘भर्सटायल डान्सिङ स्टार सिजन-३’ को उपाधि