काठमाडौँ । नाडा अटोमोबाइल्स एसोसिएसन अफ नेपाल अब महासंघमा रूपान्तरण हुने भएको छ। २०८२ भदौ ८ गते बसेको २१औँ केन्द्रीय कार्यसमितिको बैठकले डेढ दशक लामो प्रतीक्षापछि यस विषयमा विशेष साधारण सभा बोलाउने निर्णय गरेको हो।

नाडाले विशेष साधारण सभा आगामी २०८२ भदौ २४ गते, मंगलबार बिहान ११ बजे, ललितपुरको झम्सिखेलस्थित ‘द प्लाजा’ मा आयोजना गर्ने जनाएको छ।

नाडाका महासचिव सुरेन्द्रकुमार उप्रेतीका अनुसार महासंघमा रूपान्तरण गर्ने निर्णय सदस्यहरूको लामो समयदेखिको इच्छा र आकाङ्क्षा पूरा गर्ने कदम हो। उनले यस निर्णयले नाडालाई राष्ट्रिय स्तरको संस्था बनाउन र सदस्यहरूको हकहितलाई अझ सबल बनाउने बताए।

यसका लागि नाडाका सम्पूर्ण सदस्यहरूलाई सभामा अनिवार्य रूपमा सहभागी हुन आग्रह गरिएको छ।