उनीविरुद्ध ६ करोड ५२ लाख २९ हजार ७५ रुपैयाँ बराबरको ठगी र सम्पत्ति शुद्धीकरणको मुद्दा दायर गरिएको थियो। विदेशमा लुकेर बसेको खुलेपछि प्रहरीले उनीविरुद्ध ‘रेड नोटिस’ जारी गरेको थियो।

सातदोबाटोस्थित ‘हाम्रो अटोमोबाइल्स’ का सञ्चालक कुमार चिमोरियाले अधिकारीविरुद्ध दिएको जाहेरीका आधारमा गत साउन महिनादेखि नै प्रहरी वृत्त सातदोबाटोमा ठगी तथा आपराधिक विश्वासघातको कसुरमा अनुसन्धान भइरहेको थियो। अनुसन्धानको क्रममा उनको बैंक खातामा ठूलो परिमाणको रकम कारोबार भएको देखिएपछि थप सम्पत्ति शुद्धीकरणको पाटोबाट समेत अनुसन्धान अघि बढाइएको प्रहरीले जनाएको छ।