काठमाडाैं- गायक उत्तम अनन्त पौडेलले आफ्नो नयाँ गीत ‘वनकी चरी’ सार्वजनिक गरेका छन्। लोक–आधुनिक स्वादमा तयार भएको यो गीतमा गायक पौडेल र गायिका सिम्रन परियारको स्वर रहेको छ। सार्वजनिक भएको छोटो समयमै गीतले दर्शक र श्रोताको ध्यान तान्न सफल भएको छ। भिडियोमा कलाकार सुनील क्षेत्री र रोजी लमिछानेको मनमोहक अभिनय समावेश गरिएको छ।

गीतका शब्द पिपला ढुंगानाले लेखेका हुन्। “वनकी चरी हो, रस खान्छे धाइरा” बोल रहेको गीतलाई कृष्ण गान्धर्वले संगीतबद्ध गरेका छन्। संगीत संयोजन दुर्गाबहादुर तामाङ, रेकर्डिस्ट किरण आले तथा मिक्स–मास्टरिङ खड्का बाजुरालीको रहेको छ। गीत आरोह स्टुडियोमा रेकर्ड गरिएको हो।

गीतको भिडियो निर्देशन सुनील क्षेत्रीले गरेका छन्। छायांकन दिनेेश पराजुली, सम्पादन तथा रंग संयोजन अमृत छापागाईं, नृत्य निर्देशन अबी वाग्ले र मेकअप पुनम चौधरीको रहेको छ। भिडियोले गीतका भाव र कथा–रचनालाई सुन्दर ढंगले प्रस्तुत गरेको छ।

गीत सार्वजनिक गर्दै गायक उत्तम पौडेलले दर्शकले सधैं दिँदै आएको माया र प्रेरणा नै आफूलाई निरन्तर सिर्जना र मेहनततर्फ अघि बढाउने शक्ति भएको बताए। उनका अनुसार ‘वनकी चरी’ लामो तयारी र ठूलो टोलीको मिहिनेतबाट तयार भएको गीत हो, र यसप्रति आफू आशावादी रहेको पनि व्यक्त गरे।

यसअघि ‘पानबुट्टे चोलीमा’मार्फत ठूलो सफलता पाएर चर्चामा आएका पौडेलको नयाँ गीतले पनि सोही लोकप्रियतालाई निरन्तरता दिने अपेक्षा गरिएको छ।

 हेर्नुस् भिडियाे