काठमाडौं – नयाँबानेश्वरस्थित बिग एजुकेशन कन्सल्टेन्सीले भदौ १ गते ‘बिग इडियू फेयर’ आयोजना गर्ने भएको छ। ‘भदौ १, अवसर अनेक’ नारासहितको यस मेलामा सात देशका ५० भन्दा बढी विश्वविद्यालयका प्रतिनिधिहरूको सहभागिता रहने छ।

विदेश अध्ययनको योजना बनाएका विद्यार्थीका लागि मेलामा विशेष सुविधा प्रदान गरिने कम्पनीले जनाएको छ। सहभागी विद्यार्थीहरूले सतप्रतिशत सर्भिस चार्ज छुट, निःशुल्क छात्रवृत्ति सल्लाह, IELTS तथा PTE तयारी कक्षामा ५० प्रतिशत छुट, साथै गोलाप्रथामार्फत आकर्षक उपहार पाउनेछन्।

मेलामा अस्ट्रेलिया, बेलायत, दक्षिण कोरिया, जापान, अमेरिका, जर्जिया र दुबईका प्रतिष्ठित विश्वविद्यालयका प्रतिनिधिहरू उपस्थित हुनेछन्। बिग एजुकेशनका प्रबन्ध निर्देशक सुरज केसीका अनुसार मेलाको उद्देश्य विद्यार्थीहरूलाई प्रत्यक्ष रूपमा विश्वविद्यालय प्रतिनिधिसँग भेटघाट गर्ने अवसर उपलब्ध गराउनु हो।

फेयर बिहान १० बजेबाट सुरु हुनेछ। केसीले इच्छुक विद्यार्थीहरूलाई यस अवसरको उपयोग गरी आफ्नो भविष्यको योजना साकार पार्न सुझाव दिएका छन्।