काठमाडौं ।  गायिकाद्वय समीक्षा अधिकारी र रचना रिमालको स्वरमा सुष्मा महराले लेखेको नयाँ तीज गीत ‘आयो तीज’ सार्वजनिक गरिएको छ। राजधानीमा आयोजित कार्यक्रममा सार्वजनिक भएको गीतमा पुरुषोत्तम न्यौपानेको संगीत र केशव बाबुको एरेञ्ज छ।

गीतको भिडियोमा गीतकार महरा र प्यारीको अभिनय छ भने निर्देशन शक्ति प्रज्वल घिमिरे, छायांकन चक्रबहादर बराल र सम्पादन सतीश श्रेष्ठले गरेका छन्। कोरियोग्राफी रोहिया महर्जनले गरेकी हुन्। भिडियो म्युजिक नेपालको अफिसियल युट्युब च्यानलमार्फत सार्वजनिक गरिएको हो।

सुष्मा महराले गीतका शब्द आफ्नै जीवनकथा भएको बताउँदै दर्शकले यसमा धेरै माया दिने विश्वास व्यक्त गरिन्। संगीतकार न्यौपानेले मौलिक शब्दलाई रोमान्टिक शैलीमा प्रस्तुत गरेको बताए। निर्देशक घिमिरेले नेपाली कला र संस्कृतिको झल्को दिनेगरी भिडियो निर्माण भएको उल्लेख गरे।