काठमाडाैं – राज कटवाल मुख्य भूमिकामा नेपाली चलचित्र ‘मुनामदनको ब्रेकअप’ निर्माणको घोषणा गरिएको छ। फिल्मका लागि अभिनेता राज कटवाल अनुबन्धित भएका छन्।

चलचित्रको निर्देशन दीपेन्द्र लामाले गर्नेछन् भने कथा सामिप्यराज तिमल्सेनाले लेखेका छन्। कार्यकारी निर्माताको जिम्मेवारी श्रीधर पौडेलले सम्हाल्ने छन्।

मुनामदनको प्रेम कथाबाट प्रेरित यो फिल्ममा समसामयिक दृष्टिकोणबाट कथा प्रस्तुत गरिने निर्माण टिमले जनाएको छ। हाल राज कटवाल मात्र कलाकारको रूपमा सार्वजनिक गरिएको छ भने बाँकी कलाकार र प्राविधिक टिम क्रमशः घोषणा हुँदै जाने निर्माण पक्षले जनाएको छ।