काठमाडौं ।नेपालका लागि सुजुकी गाडीको आधिकारिक बिक्रेता तथा सीजी होल्डिङ्सको अटोमोबाइल डिभिजन ‘सीजी मोटोकर्प’ले देशभरका आफ्ना सर्भिस सेन्टरहरूमा ‘मनसुन नि:शुल्क सर्भिस क्याम्प’ आयोजना गर्ने भएको छ। वर्षायाममा सवारीसाधनमा आउन सक्ने सम्भावित समस्यालाई मध्यनजर गर्दै सुरक्षित आवागमन सुनिश्चित गर्न कम्पनीले साउन २७ गतेदेखि २९ गतेसम्म (अगस्ट १२–१४) यो अभियान सञ्चालन गर्न लागेको हो।
क्याम्पअन्तर्गत ग्राहकहरूले आफ्नो गाडीको नि:शुल्क जनरल जाँचका साथै एसी र ब्याट्रीको परीक्षण गराउन सक्नेछन्। मनसुनको समयमा बढी जोखिममा पर्ने ब्रेक, टायर, वाइपर र इलेक्ट्रिकल प्रणालीको जाँचमा विशेष प्राथमिकता दिइने कम्पनीले जनाएको छ। यसका अतिरिक्त, सेवाग्राहीलाई आर्थिक राहत पुर्याउने उद्देश्यले स्पेयर पार्ट्स र लुब्रिकेन्टमा १० प्रतिशत, लेबर चार्जमा २० प्रतिशत र एक्सेसरिजमा १५ प्रतिशत छुटको व्यवस्था गरिएको छ।
सीजी मोटोकर्पका नेसनल सर्भिस म्यानेजर सरोज खड्काले वर्षायाममा सुरक्षित ड्राइभिङलाई प्रोत्साहन गर्न र गाडीको मर्मतसम्भारमा जोड दिन यो क्याम्प आयोजना गरिएको बताए। “नेपालमा मनसुन सवारीसाधनका लागि चुनौतीपूर्ण समय हो। यस अभियानमार्फत हाम्रो उद्देश्य ग्राहकलाई सर्भिस सुविधा प्रदान गर्नु मात्र नभई मर्मतसम्भार र वर्षायाममा सुरक्षित सवारी चालनलाई प्रोत्साहन गर्नु पनि हो,” खड्काले भने।
नेपालकै सबैभन्दा ठूलो अटोमोटिभ सर्भिस नेटवर्क रहेको सुजुकीका देशभरका कुनै पनि आधिकारिक सर्भिस सेन्टरबाट ग्राहकले यो सुविधा लिन सक्नेछन्। क्याम्पमा सहभागी हुनेमध्ये तीन जना भाग्यशाली ग्राहकलाई आकर्षक उपहारसमेत प्रदान गरिनेछ भने कार केयर र वर्षायाममा अपनाउनुपर्ने सावधानीबारे नि:शुल्क तालिमसमेत दिइने कम्पनीले जनाएको छ।
फेसबुक प्रतिक्रिया
सम्बन्धित समाचार
नयाँ अपडेट
-
बाबुराम लम्साल : अक्षर, अध्यापन र साधनाको अविराम यात्रा
-
वाल्चाबाट नेपालका बाढीपीडितका लागि करिब ३३ लाख रूपैयाँ सहयोग संकलन: २५० भन्दा बढीको सहभागिता, मेयर एरिक नोभाकाससहित स्थानीय समुदायको ऐतिहासिक साथ
-
रसुवा बाढी अपडेट: मृत्यु हुनेको संख्या १,३५५ पुग्यो, करिब ५ हजार अझै बेपत्ता १३ हजारभन्दा बढीको सकुशल उद्धार, २१ हजार सुरक्षाकर्मी परिचालन
-
भोटेकोशी बाढी : २४४ शव शिक्षण अस्पतालमा, १६१ को व्यवस्थापन
-
रसुवा बाढी विपद्ः संसदमा प्रधानमन्त्रीको बेलिबिस्तार ३९ सय अझै बेपत्ता, ११ हजारको उद्धार, जलवायु परिवर्तनको गम्भीर असर
-
बाढी-पहिरो प्रभावितका लागि केआईईसीद्वारा प्रधानमन्त्री राहत कोषमा १५ लाख ५५ हजार सहयोग
-
भोटेकोशी बाढी: उद्धार र सुरक्षामा ८ हजार प्रहरी परिचालन, विपद्मा लुटपाट र ठगी गर्ने पक्राउ
-
सुबिक्षा, श्रीया, शिरिष र छिमीलाई ‘भर्सटायल डान्सिङ स्टार सिजन-३’ को उपाधि
-
नाइमाद्वारा बाढी प्रभावितका लागि प्रधानमन्त्री उद्धार कोषमा ५० लाख सहयोग
-
त्रिशुली पारीको भूभाग पुनः सडक सञ्जालमा जोडियो, सदरमुकामसँगको पहुँच स्थापित