काठमाडौँ: ट्राफिक प्रहरीले सडक चेकिङका क्रममा गरेको कारबाही वा काटेको जरिवानाप्रति चित्त नबुझेमा सवारी चालकले ३५ दिनभित्र पुनरावेदन गर्न पाउने भएका छन्। विद्यमान कानुनी व्यवस्था अनुसार चालकले सो म्यादभित्र यातायात व्यवस्था विभागमा गएर आफ्नो गुनासो वा पुनरावेदन दर्ता गर्न सक्नेछन्।

यातायात व्यवस्था विभागमा गरिएको पुनरावेदनबाट पनि चित्तबुझ्दो निर्णय नआएमा नागरिकले थप कानुनी उपचार खोज्न सक्नेछन्। विभागको निर्णयविरुद्ध उच्च अदालतमा समेत पुनरावेदन गर्न पाउने स्पष्ट कानुनी व्यवस्था रहेको छ।