काठमाडौं – काठमाडौं जल्ला अदालतले  राजावादी आन्दोलनका अगुवा दुर्गा प्रसाईलाई थुनामै राखेर मुद्दा चलाउन आदेश दिएको छ ।
बिहीबार मध्यरातमा न्यायाधीश ध्रुवराज कार्कीले यो आदेश जारी गरेका हुन् ।
कार्कीको इजलासमा बिहीबार दिउँसो थुनछेक बहस सकिए पनि  मध्यरात (१२ बजेपछि) यस्तो आदेश आएको हो।
प्रसाईसहित सात जनालाई थुनामा राखिने र अन्य धरौटीमा रिहा हुने भएका छन् ।

चैत १५ राजावादीहरूको प्रदर्शन क्रममा तीनकुनेमा भएको हिंसात्मक घटनाका मुख्य आरोपी दुर्गा प्रसाईं अब पुर्पक्षका लागि कारागार चलान हुने छन् ।

प्रसाईंसहित ३९ प्रतिवादीलाई इजलास बाहिर राखिएको थियो।
प्रसाई छुट्ने आशामा राति अबेरसम्म बबरमहलमा भेला भएका प्रसाईका समर्थकहरु निराश भएर फर्केका छन् ।
समयमै आदेश नआउँदा सबै प्रतिवादीहरूलाई इजलास बाहिरै राखिएको थियो ।