• बुधबार, ३ मंसिर २०८३
  • भारत, चीन र इजरायलका नवनियुक्त राजदूतद्वारा राष्ट्रपतिसमक्ष शपथ ग्रहण

    भारत, चीन र इजरायलका नवनियुक्त राजदूतद्वारा राष्ट्रपतिसमक्ष शपथ ग्रहण

    सबलनेपाल संवाददाता
    मंसिर १ २०८३, सोमबार

    काठमाडौं : राष्ट्रपति रामचन्द्र पौडेलसमक्ष भारत, चीन र इजरायलका लागि नवनियुक्त नेपाली राजदूतहरूले पद तथा गोपनीयताको शपथ ग्रहण गरेका छन्।

    सोमबार राष्ट्रपति कार्यालय शीतलनिवासमा आयोजित एक विशेष समारोहका बीच उनीहरूले राष्ट्रपति पौडेलबाट शपथ लिएका हुन्।
    शपथ लिने नवनियुक्त राजदूतहरूमा गणतन्त्र भारतका लागि डा. निश्चलनाथ पाण्डे, जनवादी गणतन्त्र चीनका लागि डा. कल्याणराज शर्मा र इजरायलका लागि सुरेशकुमार कर्ण रहेका छन्।
    राष्ट्रपति कार्यालयका अनुसार उक्त शपथ ग्रहण समारोहमा नेपाल सरकारका विभिन्न उच्च पदस्थ अधिकारीहरूको समेत उपस्थिति रहेको थियो।


    फेसबुक प्रतिक्रिया
    सम्बन्धित समाचार
    नयाँ अपडेट

    Copyright © All right reserved to sabalnepal.com Site By: sobij