काठमाडौँ । चालु आर्थिक वर्षको पहिलो तीन महिना (साउनदेखि असोजसम्म) मा नेपाल विद्युत् प्राधिकरणले १६ अर्ब १५ करोड १३ लाख रुपैयाँ बराबरको विद्युत् निर्यात गरेको छ। विनाशकारी भोटेकोशी बाढीले दर्जनभन्दा बढी जलविद्युत् आयोजनामा क्षति पुर्याए पनि प्राधिकरणले असोज महिनामा मात्रै भारततर्फ झण्डै ६ अर्ब रुपैयाँको विद्युत् बिक्री गर्न सफल भएको छ।
प्राधिकरणको तथ्यांकअनुसार, असोज महिनामा भारततर्फ ६३ करोड ३९ लाख ८६ हजार ८ युनिट विद्युत् निर्यात गरी ५ अर्ब ९२ करोड ५० लाख रुपैयाँ आम्दानी भएको छ। यो आम्दानी गत वर्षको असोजको तुलनामा ९६ करोड २० लाख रुपैयाँ र चालु वर्षको भदौको तुलनामा ८३ करोड २५ लाख रुपैयाँले बढी हो। प्राधिकरणले भारतको हरियाणा र बिहारमा द्विपक्षीय सम्झौता तथा भारतीय ऊर्जा विनिमय बजार (IEX) मार्फत यो विद्युत् बिक्री गरिरहेको छ।
यसैबीच, भारतको प्रसारण प्रणाली प्रयोग गरी बंगलादेशतर्फ हुँदै आएको ४० मेगावाट विद्युत् निर्यात पनि पुनः सुरु भएको छ। बाढीका कारण त्रिशूली र चिलिमे जलविद्युत् केन्द्रमा क्षति पुगेपछि रोकिएको निर्यातलाई प्राधिकरणले वैकल्पिक आयोजनाको विद्युत् बिक्री गर्ने अनुमति पाएपछि सुचारु गरेको हो।
हालै भारतको केन्द्रीय विद्युत् प्राधिकरणबाट थप ३१ मेगावाट निर्यात अनुमति प्राप्त भएसँगै भारततर्फ विद्युत् निर्यात गर्न स्वीकृत नेपालको कुल क्षमता करिब १ हजार १७९ मेगावाट पुगेको प्राधिकरणले जनाएको छ।
फेसबुक प्रतिक्रिया
सम्बन्धित समाचार
नयाँ अपडेट
-
प्रधानमन्त्री बालेन शाहद्वारा एनपीएलको तेस्रो संस्करणलाई शुभकामना, विदेशी खेलाडीलाई स्वागत
-
बाढीको प्रभावका बाबजुद तीन महिनामा सवा १६ अर्बको विद्युत् निर्यात, असोजमै झण्डै ६ अर्ब आम्दानी
-
किष्ट क्यान्सर सेन्टर: प्यालिएटिभ केयर सेवाको एक वर्ष पुरा, क्यान्सरका बिरामीलाई निःशुल्क सेवा
-
सुक्खा पहिरोले थुनिएको बूढीगण्डकी फुट्दा लेदोसहितको भीषण बाढी, दुईवटा झोलुंगे र एक पक्की पुल बगे
-
दशैँको अवसरमा सेफर्ड कलेजद्वारा असहाय सेवा सदनमा सहयोग
-
स्मार्ट’ सहरको अघोषित नाकाबन्दी र सडकबाट एउटी दलित महिलाको प्रश्न ‘सरकार, कोठा खाली छ ?’
-
नेपाल फिनटेक एक्सपो २०२६ अक्टोबर ९ देखि सुरु हुँदै: बैंकिङ, फिनटेक र एआई प्रविधिको तीन दिने बृहत प्रदर्शनी
-
मधेशमा शिक्षाको नयाँ युग: दरबार हाइस्कुलजस्तै १०० वटा ‘वर्ल्ड क्लास’ विद्यालय निर्माण गरिने
-
नेपाली क्रिकेटका ९ स्टार खेलाडी ‘टिम एक्सट्रीम’मा आबद्ध, खेलाडीको ब्याटमा लोगो रहने
-
कांग्रेस महाधिवेशनमा चुनावी सरगर्मी : नयाँ नेतृत्वका लागि आज दिउँसोबाट उम्मेदवारीको ढोका खुल्दै