काठमाडौं। नेपालको फिनटेक क्षेत्रको विकास र प्रवर्द्धन गर्ने उद्देश्यले आगामी असोज २३, २४ र २५ गते (अक्टोबर ९, १० र ११, २०२६) ललितपुरस्थित हेरिटेज गार्डेनमा ‘नेपाल फिनटेक एक्स्पो २०२६’ को दोस्रो संस्करण आयोजना हुने भएको छ। फिनटेक एलायन्स नेपाल ले आयोजना गर्न लागेको यस तीन दिने एक्स्पोमा स्वदेशी तथा अन्तर्राष्ट्रिय कम्पनीहरूको सहभागिता रहनेछ।
पहिलो संस्करणको सफलतापछि अझ भव्य रूपमा आयोजना गर्न लागिएको यस वर्षको एक्स्पोमा ६५ भन्दा बढी एक्जिबिटर बुथ र दुईवटा एक्सपिरियन्स जोन रहने आयोजकले जनाएको छ। प्रदर्शनीमा आर्टिफिसियल इन्टेलिजेन्स , डिजिटल बैंकिङ, डिजिटल पेमेन्ट, इम्बेडेड फाइनान्स र लेन्डिङ टेक्नोलोजी लगायतका अत्याधुनिक वित्तीय प्रविधिहरूको प्रदर्शन गरिनेछ। यसका साथै विभिन्न कम्पनीहरूले आफ्ना नयाँ उत्पादन तथा सेवाहरूको औपचारिक सुरुवात समेत गर्ने कार्यक्रम रहेको छ।
एक्स्पोमा बैंक तथा वित्तीय संस्था, भुक्तानी सेवा प्रदायक, नियामक निकाय, स्टार्टअप, प्रविधि कम्पनी र सर्वसाधारण गरी ६,००० भन्दा बढीको सहभागिता रहने अपेक्षा गरिएको छ। एक्स्पोको उद्घाटन समारोह पहिलो दिन अक्टोबर ९ मा हेरिटेज गार्डेन परिसरकै ‘क्लासिक भेन्यु’ मा हुनेछ।
यस वर्षको संस्करणमा पहिलो पटक ‘प्रिमियम लाउन्ज सर्भिस’ को व्यवस्था गरिएको छ, जहाँ प्रिमियम पास वाहक र विशिष्ट अतिथिहरूका लागि विशेष हस्पिटालिटी तथा बिजनेस नेटवर्किङको सुविधा उपलब्ध हुनेछ। साथै, पहिलो दिनको साँझ सम्पूर्ण प्रायोजक, प्रदर्शक, सरोकारवाला र नियामक निकायबीच व्यावसायिक सम्बन्ध विस्तार गर्ने उद्देश्यले विशेष ‘नेटवर्किङ डिनर’ पनि आयोजना गरिनेछ।
एक्स्पोको अफिसियल टिकेटिङ पार्टनरको रूपमा ‘खल्ती’ लाई नियुक्त गरिएको छ। अवलोकनकर्ताले खल्ती प्लेटफर्ममार्फत सहजै टिकट खरिद गर्न सक्नेछन्। सर्वसाधारणका लागि प्रवेश शुल्क रु. २०० र विद्यार्थीका लागि रु. ५० निर्धारण गरिएको छ। नेपालको फिनटेक क्षेत्रमा विशेष योगदान पुर्याउने व्यक्ति तथा संस्थाहरूलाई भने कम्प्लिमेन्टरी पास उपलब्ध गराइनेछ।
प्रदर्शकहरूका लागि प्रति बुथ शुल्क रु. ७५,००० र अन्तर्राष्ट्रिय प्रदर्शकका लागि ७५० अमेरिकी डलर तोकिएको छ। तर, फिनटेक एलायन्सका कर्पोरेट सदस्यहरूलाई भने बुथ शुल्कमा ५० प्रतिशत विशेष छुटको व्यवस्था गरिएको छ। हाल फिनटेक एलायन्स नेपालमा ५३ वटा कर्पोरेट सदस्य आबद्ध छन्।
यस एक्स्पोले नेपालमा वित्तीय प्रविधि, नवप्रवर्तन, सहकार्य र डिजिटल रूपान्तरणलाई नयाँ उचाइमा पुर्याउने साझा मञ्चको रूपमा काम गर्ने विश्वास आयोजकले लिएको छ। हाल कार्यक्रमका लागि विभिन्न प्रायोजन का अवसरहरू पनि खुला राखिएको छ।
फेसबुक प्रतिक्रिया
सम्बन्धित समाचार
नयाँ अपडेट
-
आमाको दूधको विकल्प छैन : पढेलेखेका आमाबाटै स्तनपानमा बेवास्ता हुँदा सरोकारवाला चिन्तित
-
ललितपुरमा ‘नेपाल फिनटेक एक्स्पो २०२६’ आयोजना हुँदै, अत्याधुनिक वित्तीय प्रविधिको प्रदर्शन गरिने
-
२५० रुपैयाँको सामान किन्दा १० लाखको बम्पर उपहार !
-
ट्राफिक प्रहरीको जरिवाना चित्त नबुझे ३५ दिनभित्र पुनरावेदन गर्न पाइने
-
श्रम स्वीकृति लिने ७ लाख ९२ हजार, वर्किङ भिसामा उड्ने ८ लाख ९१ हजार : विमानस्थलबाट सुटुक्क उडेका ती एक लाख युवा को हुन् ?
-
मन्त्रिपरिषद्का महत्त्वपूर्ण निर्णयहरू: सुनसरी र सिराहाका पीडितलाई राहतदेखि लगानी बोर्ड र अनुदान आयोगमा नयाँ नेतृत्वसम्म
-
शैक्षिक परामर्श तथा भाषा शिक्षणसम्बन्धी निर्देशिका, २०७३ खारेज, नयाँ नियमावली कार्यान्वयनमा
-
विभिन्न व्यक्तित्वलाई ‘मिडिया ठाँटी सम्मान–२०८३’ प्रदान
-
गृहमन्त्रीको प्रतिबद्धतासँगै हिन्दू मोर्चाद्वारा आन्दोलन फिर्ता, १८ बुँदे मागपत्र प्रस्तुत
-
सीएनआई युवा उद्यमी मञ्चको नेतृत्वमा घिमिरे