हरिकृष्ण ऐडी
मुग ।
विश्व हिन्दु महासंघ नेपालको केन्द्रीय सचिव पदमा मुगुकी समाजसेवी चेतना मल्ल शाही मनोनित भएकी छिन्। शुक्रवार आयोजित एक कार्यक्रममा महासंघका सभापति अरुण कुमार पाण्डेले शाहीलाई केन्द्रीय सचिव पदमा मनोनित गरेका हुन् ।

सभापति पाण्डेले चेतना मल्ल शाहीको नियुक्तिले मुगुजस्ता दुर्गम हिमाली जिल्लासहित देशका विभिन्न क्षेत्रमा महासंघको संगठन विस्तार तथा धार्मिक–सामाजिक गतिविधि सुदृढ गर्न सहयोग पुग्ने विश्वास व्यक्त गरे । लामो समयदेखि मुगुका विभिन्न बस्तीमा आध्यात्मिक ज्ञान, सामाजिक सचेतना तथा समाजसेवामूलक गतिविधिमा सक्रिय रहँदै आएकी शाही नारी उत्थान तथा सचेतना केन्द्र मुगुकी संस्थापक अध्यक्ष समेत हुन् ।

विश्व हिन्दु महासंघ नेपाल देशभरका जिल्ला तथा स्थानीय तहसम्म विस्तार भएको आध्यात्मिक संस्था हो। महासंघले वैदिक सनातन हिन्दु राष्ट्र पुनःस्थापना, पूर्वीय दर्शन, सनातन धर्म, संस्कार तथा संस्कृतिको संरक्षण र प्रवद्र्धनका लागि विभिन्न कार्यक्रम सञ्चालन गर्दै आएको जनाइएको छ।