रुवान्डाबाट नेपालसम्मको हवाई यात्राभरी उनको कल्पनामा नेपाल पहाड र चुचुरा मात्र थियो । अफ्रिकासँग नेपालको भाषा या शैली मिल्ने कुरा पनि भएन । तर उनीसँग स्काउटले सिकाएको सिक्ने र सिकाउने बानी छ । तर कसरी गर्ने होला ? यो कुरा उनको दिमागमा खेलिरहेको थियो ।

हिजो भोगेका दुःख, अभाव, संघर्ष अब फेरि आउँछ भन्ने कुरामा उनले विश्वास गर्दैनन्। परिवारको साथ र आमाको आर्शिवादले जीवनमा अझै धेरै सफलता प्राप्त गर्ने संकल्प भएका उनलाई विगतका भोगाइले झनै बलियो बनाएको छ ।