काठमाडौं। नेपालको फिनटेक क्षेत्रको विकास र प्रवर्द्धन गर्ने उद्देश्यले आगामी असोज २३, २४ र २५ गते (अक्टोबर ९, १० र ११, २०२६) ललितपुरस्थित हेरिटेज गार्डेनमा ‘नेपाल फिनटेक एक्स्पो २०२६’ को दोस्रो संस्करण आयोजना हुने भएको छ। फिनटेक एलायन्स नेपाल  ले आयोजना गर्न लागेको यस तीन दिने एक्स्पोमा स्वदेशी तथा अन्तर्राष्ट्रिय कम्पनीहरूको सहभागिता रहनेछ।

यस एक्स्पोले नेपालमा वित्तीय प्रविधि, नवप्रवर्तन, सहकार्य र डिजिटल रूपान्तरणलाई नयाँ उचाइमा पुर्‍याउने साझा मञ्चको रूपमा काम गर्ने विश्वास आयोजकले लिएको छ। हाल कार्यक्रमका लागि विभिन्न प्रायोजन  का अवसरहरू पनि खुला राखिएको छ।