न्युयोर्क – “ चौंथो विश्व नेवा सम्मेलन–२०२२” आगामी अगष्ट ५ देखि ७ तारिखसम्म गरिने भएको छ । नेवारी कला, संस्कृति, सम्पदा र परम्पराको निरन्तरता प्रवासमा समेत महत्वपूर्ण भएकोले प्रवासी नेवारी समुदायको बाहुल्यताको आधारमा यसपटक न्युयोर्क सहरमा गर्न लागिएको हो । सम्मेलन नेवा गुठी न्युयोर्क तथा विश्व नेवा संघ अमेरिका च्याप्टरको संयुक्त आयोजनामा न्युयोर्कको क्वीन्सस्थित लग्वार्डिया प्लाजा होटलमा गरिने भएको हो ।

३ दिनसम्म चल्ने यस सम्मेलनमा नेपालबाट वरिष्ट कलाकार आदरणीय मदन कृष्ण श्रेष्ठ तथा परिवारलाई आमन्त्रण गरिएको अध्यक्ष विजयमान सिंहले जानकारी दिए । उनले सम्मेलनमा नेवारी कला नृत्य, भेषभुषा, खाना परिकार, साँस्कृतिक झाँकी, धिमे बाजा, लाखे नाच तथा अन्य मनोरञ्जनात्मक कार्यक्रमहरु समेत राखिएको उनको भनाई छ।

यस सम्मेलनले अमेरिकाभर छरिएर रहेका नेवारहरुलाई एक्यबद्द हुन सहयोग गर्नका साथै नयाँ पुस्तालाई नेपालभाषा, पहिरन तथा संस्कृतिसंग भावनात्मक सामिप्यता कायम राख्न महत्वपूर्ण भुमिका खेल्ने नेवा गुठीका पूर्व अध्यक्ष तथा संरक्षक समिर महर्जनले बताए । सम्मेलनलाई भव्य बनाउने सबैको भौतिक उपस्थितिको जरुरी भएकोले सबैलाई उपस्थितको लागि आह्वान गरेका छन् ।

साथै संस्थापक अध्यक्ष आदित्य महर्जनले अमेरिकी भूमीमा नेपाली नेवारहरूको एकता तथा सहकार्यको लागि यस सम्मेलनले नयाँ आयाम थप्ने विश्वास व्यक्त गरेका छन् ।

प्रतिक्रिया

सम्बन्धित खवर