भूकम्प प्रभावितलाई भीजी फाउन्डेशनको २१ लाख सहयोग

काठमाडौं– भीजी फाउन्डेशनले जाजरकोट भूकम्पका प्रभावितको सहयोगार्थ २१ लाख रुपैयाँ सहयोग गर्ने भएको छ । फाउन्डेशनले प्रधानमन्त्री दैवी प्रकोप उद्धार तथा राहत कोषमार्फत उक्त सहयोग गर्न लागिएको बताएको छ । फाउन्डेशन विशाल ग्रुपअन्तर्गतको परोपकारी संस्था हो । फाउन्डेशनले विज्ञप्ति जारी गर्दै जाजरकोट तथा रुकुममा गएको विनाशकारी भूकम्पबाट पु¥याएको मानवीय तथा संरचनागत क्षतिले हामीलाई अत्यन्त मर्माहित तुल्याएको बताएको छ। फाउन्डेशनले भनेको छ, ‘विभिन्न संघ संस्थाको हातेमालोको अपेक्षाको साथ भूकम्प प्रभावितको सहयोगार्थ २१ लाख रुपैयाँ प्रदान गर्दैछौं ।’