एनआरएनएमा गौतमको उपाध्यक्षमा दाबी

काठमाडौं– गैर आवासीय नेपाली संघ अन्तरराष्ट्रिय समन्वय परिषद्का सचिव गंगाधर गौतमले परिषद्को ११औं महाधिवेशनमार्फत २०२३–२०२५ कार्यकालका लागि उपाध्यक्षमा उम्मेदवारी घोषणा गरेका छन्। ‘गैर आवासीय नेपाली संघको अभियान २० वर्ष पुगेको छ । तपाई हाम्रो सामुहिक प्रयत्नले अभियान यहाँसम्म आइ पुगेको हो,’ गौतमले भनेका छन्, ‘अझै गैर आवासीय नेपालीले उठाएका धेरै महत्वपुर्ण मुद्धाहरुलाई निष्कर्षमा पुर्याउनको लागि राजनैतिक समन्वय पनि अत्यन्तै जरुरी छ ।’ यस अघि महासचिवको रूपमा चर्चामा रहेको गौतमले दाबी परिवर्तन गरेका हुन्।