सुन तोलाको एक लाख १२ हजार

काठमाडौं–सुनचाँदी बजारमा आज छापावाल सुनको मूल्य प्रतितोला रू. १ लाख १२ हजार तोकिएको छ । अघिल्लो दिन प्रतितोला रु एक लाख १२ हजार चार सयमा कारोबार भएको सुनको मूल्य आज प्रतितोला रू. ४०० ले घटेको हो । नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रू १ लाख ११ हजार ४५० तोकिएको छ । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रू. २०ले घटेर रू. १ हजार ४१० तोकिएको महासङ्घले जनाएको छ ।