स्वर्गीय खत्रीको स्मृतिमा सुस्त मनःस्थिति विद्यालयलाई सहयोग

अर्घाखाँची–भुमिकास्थान नगरपालिका–४ धारापानी निवासी स्वर्गीय कृष्णबहादुर खत्रीको स्मृतिमा सन्धिखर्क नगरपालिका–१ मा रहेको निर्मल नवज्योति सुस्त मनःस्थिति विद्यालयलाई सोमवार खाद्य सामग्रीसहित फलफूल हस्तान्तरण गरिएको छ । गतवर्षको कपिलवस्तुमा सडक दुर्घटनामापरि ज्यान गुमाएका खत्रीको सम्झनामा उक्त खाद्य सामग्री हस्तान्तरण गरिएको हो । सामाग्री स्वर्गीय केसीकी पत्नी साबित्रा रायमाझी (केसी),बुवा यमबहादुर केसी र छोरा प्रविन केसीले संयुक्त रूपमा विद्यालयका प्रअ कमला भुसाललाई हस्तान्तरण गरेको सृजना भाटले जानकारी दिइन् । सोही कार्यक्रममा सन्धिखर्क ९ निवासी स्वर्गीय हुमकला खड्काको स्मृतिमा छोराबुहारी विष्णु खड्का र देवी खड्काले पनि खाद्य सामाग्री प्रदान गरेको भाटले बताइन् । स्वर्गीय खत्रीको परिवारले यस अघि भुमिकास्थान–४ धारापानीमा रहेको शान्ति माध्यमिक विद्यालयमा ५१ हजार १११ रुपैयाँको अक्षय कोष स्थापना गरेका थिए । धारापानी स्वास्थ्य चौकीमा कार्यरत खत्रीको ४५ वर्षको उमेरमा गतवर्ष दुर्घटनामा ज्यान गएको थियो ।