एनसेलकोे ‘बिन्दास डेटा प्याक’ मा अनलिमिटेड डाटा

काठमाडौं – एनसेलले ग्राहकलाई ५ घण्टाको अनलिमिटेड डाटा सेवा उपलब्ध गराउने भएको छ । उक्त ‘बिन्दास डेटा प्याक’ अफरमा जुनसुकै समय, ठाउँ र प्रयोजनका लागि ५ घण्टा अनलिमिटेड डाटा प्रयोग गर्न सकिने बताइएको छ । ग्राहकले करसहित रू. ७५ मा यो प्याक लिन सक्नेछन् । प्याकको समयावधि ३ दिनको रहेको कम्पनीको भनाइ छ । अफरमा कुनै डाटा भोल्युम सीमाबिना ३ दिनसम्म कुल ५ घण्टाको लागि अनलिमिटेड डाटा सेवा पाइने भएको हो । सुलभ दरमा निश्चित अवधिका लागि डाटा सेवा आवश्यक रहेका ग्राहकका लागि यो अफर उत्तम विकल्प हुने कम्पनीको विश्वास छ । कम्पनीले हालै ‘बिन्दास भ्वाइस प्याक’ पनि ल्याएको जानकारी दिएको छ, जसमा ग्राहकले करसहित रू. २५ मा १२ घण्टा (बिहान ५ देखि साँझ ५ बजेसम्म) कुनै पनि नेटवर्कमा कुराकानी गर्न सक्छन् ।