पाण्डवखानी आधारभूत विद्यालयमा अक्षकोष स्थापना

सुरेश छन्त्याल/गलकोट गलकोट नगरपालिका – १० पाण्डवखानीमा रहेको पाण्डवखानी आधारभूत विद्यालयमा अक्षकोष स्थापना भएको छ। पाण्डवखानी उपल्लो फुर्सेमा जन्मिएर हाल अमेरिकामा बस्दै आएका दुर्गाबहादुर घर्ती मगरले आफ्नो स्वर्गीय बाबा प्रेमबहादुर घर्ती र स्वर्गीय छोरा पुरन घर्ती मगरको स्मृतिमा रू. २ लाखको अक्षयकोष सहित शैक्षिक सामाग्री र खेलकुदका सामाग्रीहरु साइला बाबा इन्द्रबहादुर काउचामार्फत विद्यालय व्यवस्थापन समिति र प्राचार्यलाइ हस्तान्तरण गरेका हुन् । उक्त अक्षयकोषले गरिब , जेहेन्दार बिद्यार्थीहरूको भविष्य निर्माणमा ठूलो महत्त्व हुने र यस्ता सहयोगी हातबाट नै बिद्यालय नमूना बन्ने समाजसेवी छम बहादुर काउचाले बताए। विद्यायालय व्यवस्थापन समितिको अध्यक्ष थममाया पुन काउचाको अध्यक्षतामा भएको कार्यक्रमको सञ्चालन प्रधानध्यापक देउमाया श्रीस काउचाले गरेकी थिइन् ।