मुगु –मुगुको छायाँनाथ रारा नगरपालिकाका नवनिर्वाचित प्रमुख विष्णु कुमार भामले आफूले सरकारी कोषबाट पाउने तलब, भत्ता सबै निम्न आय भएका गरिब परिवारका सदस्यलाई विभिन्न कार्यक्रम मार्फत खर्च गर्ने बताउनुभएको छ ।

नेपाली कांग्रेसबाट नगर प्रमुखको रुपमा निर्वाचित हुनुभएका कर्णाली कै कान्छा नगरप्रमुख ३२ वर्षीय भामले भ्रखर सम्पन्न स्थानीय तहको निर्वाचनमा ४ हजार ५९९ मत प्राप्त गरी विजयी हुनुभएको थियो ।

२०७४ को स्थानीय निर्वाचनमा भाम छायाँनाथ रारा नगरपालिका वडा नं ४ भामवाडा गाउँ बाट वडा अध्यक्षमा निर्वाचित हुनुभएको थियो । उहाँले वडा अध्यक्ष को कार्यकालमा समेत आफ्नो तलब भत्ताबाट सामाजिक काम गर्नुभएको थियो ।

नगरप्रमुखमा निर्वाचित भएपछि भामले आफ्नो ५ बर्ष कार्यकालको योजना तयारी गरेको बताउनुभएको छ । गमगढी बजारमा आउँजाउ गर्न सहजका लागि कालोपत्रे गर्ने, गाउँ घरका कृषकको उत्पादनमा प्रवद्वन गर्नका लागि कृषि बजारीकरण मा समन्वय गरि बजारी करणको व्याबस्था गर्ने र गरिबी न्युनिकरण गर्नलाई गरिबसँग नगर प्रमुख रोजगार कार्यक्रम बाट आत्म निर्भर कार्यक्रम संचालन गरि रोजगारमा टेवा पुराउने योजना रहेको उहाँको भनाइ छ ।

छायाँनाथ रारा नगरपालिकालाई समृद्ध नगरको रूपमा विकास गर्न लागि पर्ने प्रतिबद्धता जनाउँदै उहाँले नगरका सबै बस्तीमा सडक संजालले छोएको हुँदा नगर बसको व्यवस्थापन गर्ने प्रतिवद्वता जनाउनुभयो ।

“सबै पक्षको साथ र सहयोगमा नयाँ नेतृत्व अघि बढ्नेछ,” प्रमुख भामले भन्नुभयो,– “योजनाबद्ध विकास गरि छायाँनाथ रारा नगरलाई नमुना योग्य बनाउँने छौँ ।

प्रतिक्रिया

सम्बन्धित खवर

ताजा समाचार

लोकप्रिय