'वी लभ यु फाउन्डेशन'को क्लीन अभियान सुरु
![Image](/thumbnails/302698266_1266707027432442_2904473253082235380_n.jpg)
काठमाडौं – वी लभ यु फाउन्डेशनले आज (बुधबार) देखि सरसफाई अभियान सुरु गरेको छ । फाउण्डेशनले बुढानिलकण्ठ नगरपालिकासँगको सहकार्यमा धोविखोला किनार स्थित चुनिखेलबाट सरसफाई अभियान सुरु गरेको छ।
‘सन् २०२२ विश्वव्यापी क्लीन अभियान’ नाम दिइएको अभियानको उद्घाटन परराष्ट्रविद् डा.राजन भट्टराईले गरेका थिए । कार्यक्रममा बोल्दै भट्टराईले समाज रुपान्तरण म नभएर हामी भन्ने मान्यताका साथ अगाडि बढ्दा सम्भव हुने बताउँदै वी लभ यु फाउन्डेशनले हामी भन्ने मान्यतालाई आत्मसाथ गरेको भन्दै प्रशंसा गरे ।
उनले औद्योगिकरण पछि वातावरणीय प्रभाव समेत बढ्दै गएको र यसले पृथ्वीको दीगोपनालाई कमजोर बनाएको बताए । उनले सुरुवाती चरणका कम्तीमा ६ महिना धोवीखोला सरसफाई अभियान संचालन गरेर नमुना कार्य गर्न सकिने बताए ।
फाउण्डेशनका अध्यक्ष शोभाकर घिमिरेको अध्यक्षतामा भएको कार्यक्रममा बुढानिलकण्ठ नगरपालिकाको मेयर मिठाराम अधिकारीसहित उपमेयर तथा स्थानीय जनप्रतिनिधिहरूको उपस्थिति रहेको थियो। कार्यक्रममा विभिन्न क्षेत्रमा आबद्ध युवाको उपस्थिति थियो ।
![](https://sabalnepal.com/wp-content/uploads/2022/08/302669184_1266706744099137_7163409550762160566_n.jpg)
![](https://sabalnepal.com/wp-content/uploads/2022/08/302606698_1266706987432446_9164808370806639388_n.jpg)
![](https://sabalnepal.com/wp-content/uploads/2022/08/300656163_440954034484940_7471644711694520816_n.jpg)
![](https://sabalnepal.com/wp-content/uploads/2022/08/301873524_411609500960322_2143595100457757205_n.jpg)
![](https://sabalnepal.com/wp-content/uploads/2022/08/300851140_1224396278323843_2806199107165721626_n.jpg)