‘माग्ने राजा’मा आर्यन सिग्देलको इन्ट्री

काठमाडौं। फिल्म निर्देशक ऋषि लामिछानेको निर्देशनमा बन्न लागेको नेपाली चलचित्र ‘माग्ने राजा’मा अभिनेता आर्यन सिग्देल अनुबन्धित भएका छन्। मुख्य अभिनयमा केदार घिमिरे माग्ने बुढालाई भित्र्याएको निर्माण टिमले आर्यनलाई पनि विशेष भूमिकामा अनुबन्धित गरेको बताइएको छ ।

फिल्मका निर्देशक ऋषि लामिछानेले फिल्मको सबैभन्दा महत्वपूर्ण भूमिकाका लागि आर्यन सिग्देललाई अनुबन्ध गरिएको बताए। माग्ने राजामा एक पछि एक स्थापित कलाकार भित्राउँदै गर्दा चलचित्र विशेष बन्ने आकलन समिक्षकहरुको छ ।

सामिप्य राज तिमिल्सनाको पटकथा सम्बादमा रहने चलचित्रमा अभिनेत्रीमा बर्षा शिवाकोटी, मिस पवि, शिशिर बाङदेल लगायतका कलाकार समेत जोडिइसकेका छन् । चलचित्रको छायाँकन नरेन्द्र मैनालीले गर्दैछन भने संगीत दीपक शर्माले तयार गर्दैछन ।

फिल्म माग्ने राजा मा पनि आर्यनको भूमिका छक्का पञ्जा सिरिजजस्तै एक्सटेन्डेड केमियो रहनेछ। एक्सटेन्डेड केमियो भन्नाले, सामान्य केमियोभन्दा लामो र महत्त्वपूर्ण उपस्थिति हो। यस्तो भूमिकामा पात्रले कथामा विशेष प्रभाव पार्दै दर्शकलाई आकर्षित गर्छ।