बाढी, पहिरो प्रभावित क्षेत्रमा एनसेलको निःशुल्क डेटा उपलब्ध गरायो

काठमाडौं – एनसेलले देशभर भारी वर्षाका कारण बाढी र पहिरोको विपद्मा रहेकाको सुविधाको लागि निःशुल्क डेटा उपलब्ध गराएको बताएको छ । विपद्को समयमा परिवार तथा आफन्तजनसँग सम्पर्कमा रहिरहन सहयोग पुग्ने गरी उक्त सेवा उपलब्ध गराएको बताइएको छ ।

एनसेलले विज्ञप्तिमार्फत शनिवार बिहानदेखि नै बाढी र पहिरोबाट प्रभावित क्षेत्रका ग्राहकलाई निःशुल्क डेटा उपलब्ध गराइसकेको बताएको छ । ‘यस पहलले हाम्रा ग्राहकलाई परिवार, आफन्तजन, साथीभाइसँग सम्पर्कमा रहन, महŒवपूर्ण जानकारी प्राप्त गर्न, तुरुन्तै आवश्यक सहयोगको लागि सम्पर्क गर्न र सुरक्षित रहन सहयोग पुग्ने हाम्रो विश्वास छ,’ एनसेलले भनेको छ ।

कम्पनीले हालको अवस्थाको मूल्यांकन गरिरहेको र क्षतिको विस्तृत जानकारी प्राप्त गरेपछि राहतका कार्यमा थप योगदान गर्ने बताएको छ । नेपाली जनताको सुरक्षालाई सुनिश्चित गर्न र नेपाल सरकारको प्रयासमा सहयोग गर्न एनसेल विभिन्न विपद् व्यवस्थापनमा काम गर्ने निकायसँग समन्वय र सहकार्य गरिरहेको एनसेलले जानकारी दिएको छ ।