समीक्षा र रुचिको ‘डेटिङ हान्ने हो, हुक्का तान्ने हो’ सार्वजनिक
काठमाडौं,– गायिकाद्वय समिक्षा अधिकारी र रुचि घिमिरेको स्वरमा नयाँ नेपाली गीत ‘डेटिङ हान्ने हो, हुक्का तान्ने हो’ सार्वजनिक भएको छ । ओएसआर डिजिटलमार्फत सार्वजनिक गीतको लिरिक्स रिता आचार्य र संगीत विशाल निरौलाको छ ।
गीतको छायांकन अजय रेग्मीले गरेका छन् भने सम्पादन प्रवीण भट्टले गरेको बताइएको छ। राजिव समरले निर्देशन गरेको गीतको भिडियोमा करिश्मा ढकाल र रिता आचार्य प्रमुख भूमिकामा देखिएका छन्। भिडियोको मेकअप एस. बुढाथोकीले गरेका छन् भने वस्त्र डिजाइनर अनुस्का बी.सी. ले गरेकी छिन्। गीतमा आर्टको काम जटा शंकर गोसाईंले गरेका छन्।