शुक्रा हाउस डाईग्नोस्टिक एण्ड वेलनेश सेन्टर र प्रभु बैंकबीच विशेष छूट सम्झौता
काठमाडौं– पानीपोखरी स्थित शुक्रा हाउस डाइग्नोस्टिक एण्ड वेलनेश सेन्टर र प्रभु बैंकबीच बैंकका ग्राहक तथा कर्मचारीलाई शुक्रा हाउस डाइग्नोस्टिकका सेवा सुविधामा विशेष छूट प्रदान गर्ने सम्झौता भएको छ ।
एक समारोहका बीच शुक्रा हाउस डाइग्नोस्टिकका प्रमुख व्यवस्थापक रोजिका प्रधान र बैंकका चिफ प्रोभिन्स अफिसर, बागमती प्रदेश दिपेन्द्र बाबु बिष्टले समझदारी पत्रमा हस्ताक्षर गरेका छने । सम्झौता अनुसार बैंकका सम्पूर्ण ग्राहक, कार्डप्रयोगकर्ता, कर्मचारी तथा कर्मचारीका पारिवारजनले शुक्रा हाउस डाइग्नोस्टिकमा उपचार सेवा लिँदा इन–हाउस रुटिन टेस्टमा २५ प्रतिशत छूट, इन–हाउस स्पेशलाइजेशनमा २० प्रतिशत छूट, आउटसोर्समा १० प्रतिशत छूट र एक्स–रे, युएसजी, ईसीजी, इकोमा १० प्रतिशतसम्म छूट प्राप्त गर्न सक्नेछन् । छुट सुविधा प्राप्त गर्नका लागि बैंकका ग्राहकहरुले प्रभु बैंक लिमिटेडको मान्य डेबिट कार्ड,क्रेडिट कार्ड तथा प्रिभलेज कार्ड मध्ये कुनै एक पेश गर्नुपर्ने छ ।
‘रिजल्ट्स ह्वेर म्याटर्स’का मूल नाराका साथ काठमाडौंको मुटु पानीपोखरी स्थित शुक्रा हाउस डाइग्नोस्टिक स्थापना गरिएको हो। यस संस्थाले आफ्नो सेवाग्राहीको स्वास्थ्यलाई मध्यनजर गर्दै विभिन्न किसिमका गुणस्तरीय ल्याब परीक्षण, मल्टीस्पेशलिटी विशेषज्ञ परामर्श सेवा, एक्स रे, युएसजि ,ईसीजी र फार्मेसी आदि सेवा उपलब्ध गराउदै आइरहेको छ । यस संस्थाले मानवतालाई पहिलो प्राथमिकतामा राख्दै उत्कृष्ट गुणस्तर, सबैभन्दा सही निदान र परीक्षणलाई किफायती लागतमा प्रदान गर्न समर्पित छ । अरु ल्याब भन्दा छुट्टै गुणस्तरीय सेवा को पहिचान बोकेको यस संस्थाको ल्याब भित्र पनि प्याथोलोजिस्ट, माईक्रोबायोलोजिस्ट, बायोकेमिस्टका विभिन्न वरिष्ठ विशेषज्ञ टोलीहरु आबद्घ छन् ।
त्यसैगरी, ग्राहकहरुको रोजाईको अग्रणी बैंकको रुपमा रहेको तथा हालसालै “बैंक अफ द इयर २०२३” को उपाधिबाट सम्मानित प्रभु बैंकका नेपालभर ३०६ शाखा कार्यालयहरु, २८६ एटीएम साथै ७० एक्सटेन्सन काउन्टर मार्पmत करिब ३१ लाख भन्दा बढि ग्राहकहरुलाई ‘बिश्वास लिन्छौं, विश्वास दिन्छौं’ भन्ने मुल नाराका साथमा बैंकिङ एवं वित्तीय सेवा प्रवाह गरिरहेको प्रभु बैंकले अत्याधुनिक प्रविधि मार्फत गुणस्तरीय सेवा प्रवाह गर्दै प्रतिस्पर्धी रुपमा अगाडि बढिरहेको छ । साथै, छोटो समयको अन्तरालमानै फिनाकल ईन्फोसिस ईनोभेसन गोल्ड–२०२४ अवार्डबाट सम्मानित भएको छ ।