तीज लक्षित गीत ‘माया बस्यो संगिनी’ सार्वजनिक

काठमाडौं – गायिका टिका प्रसाईंको स्वरमा तीज लक्षित गीत ‘माया बस्यो संगिनी’ सार्वजनिक भएको छ । गीतमा प्रमिला बस्नेतको शब्द, राजेश थापाको संगीत र रमेश सेन्चुरीको एरेन्ज रहेको छ । आफ्नो मायाको यादमा जवानीलाई साँचेर राखेको कुरा गीतमा गरिएको छ ।

गीतको भिडियोलाई केशवराज भट्टले निर्देशन गरेका हुन् । भिडियोमा कलाकार जुना कार्की, संचिता बुलाखे, टिका प्रसाईं, सरोज बुढाथोकीले अभिनय गरेका छन् । भिडियोको छायांकन अजय रेग्मी र सम्पादन दिनसन शाहले गरेका छन् ।