आइएमई पेको ‘आइएमई पे डिजिटल दशैँ तिहार २०८१’ योजना
काठमाडौं – दशैं, तिहार तथा छठको पावन अवसरमा आइएमई पेले ‘आइएमई पे डिजिटल दशैँ तिहार २०८१’ योजना सार्वजनिक गरेको छ। असोज १७ गते देखि कार्तिक २२ गते सम्म लागू हुने यस योजनाअन्तर्गत सेवाग्राहीले आइएमई पेमार्फत गर्ने करोबारमा १ मेगा बम्पर उपहार, ५ बम्पर उपहार, १० साप्ताहिक उपहार र ३६ दैनिक उपहार जित्न सक्नेछन्।
मेगा बम्परमा पल्सरको एन एस २०० बाइक, बम्परमा आइफोन १६, फ्रिज, वाशिङ मेशिन, टिभी, वान प्लस प्याड, साप्ताहिकमा सिएमएफको वाच प्रो २ र दैनिकमा अल्टिमाको इयरबड्स पुरस्कारहरु रहेको छ। साथै सेवाग्राहीहरुले आफ्नो आइएमई पे एपमा कुनै पनि बैंकको खाता लिङ्क गरेको खण्डमा यि पुरस्कारहरु जित्ने डबल मौका पनि पाउनेछन्।
डिजिटल भुक्तानी सुविधालाई ग्राहकहरू माझ अझ बढावा दिन योजनालाई थप परिस्कृत गर्दै आइएमई पेमार्फत गरिने विभिन्न भुक्तानीमा पनि पुरस्कार प्रदान गरिनेछ।
पुरस्कारहरुको विजेता घोषणा आइएमई पेको सामाजिक संजाल मार्फत हुनेछ। दैनिक तथा साप्ताहिक पुरस्कार बाहेकको सम्पूर्ण विजेताले अभियान अवधिको अन्त्यमा मात्रै उपहार प्राप्त गर्नेछन्। पुरस्कारको लागि योग्य हुन प्रयोगकर्ताहरुले मुख्यतः आइएमई पे एपमा आफ्नो केवाईसी प्रमाणित गर्नुपर्ने हुनेछ । यस अभियान सम्बन्धि विस्तृत जानकारी तथा नियम र सर्तहरु आइएमई पेको आधिकारिक वेबपेजमा उपलब्ध हुनेछ।
यस अभियान सम्बन्धी अन्य जानकारी लिन तथा आइएमई पेको सामाजिक संजालमा चलिरहेको ह्यासट्याग अभियान मार्फत अतिरिक्त पुरस्कारहरु जित्नको लागि आइएमई पेको आधिकारिक फेसबुक र इन्स्टाग्राम पेजमा जान सकिन्छ।