प्राइम कमर्सियल बैकको रक्तदान कार्यक्रम

काठमाडौं – प्राइम कमर्सियल बैंक लिमिटेडले विभिन्न ६ स्थानमा रक्तदान कार्यक्रम सम्पन्न गरेको छ । बैंकले १७औं वार्षिकोत्सवको अवसर पारेर शुक्रवार केन्द्रीय कार्यालय कमलपोखरी काठमाडाै‌, कोशी प्रदेश कार्यालय विराटनगर, मधेश प्रदेश कार्यालय वीरगञ्ज, गण्डकी प्रदेश कार्यालय पोखरा, लुम्बिनी प्रदेश कार्यालय बुटवल र कर्णाली प्रदेश कार्यालय छिन्चु, सुर्खेतमा रक्तदान कार्यक्रम गरेको हो । 

उक्त रक्तदान कार्यक्रममा बैंकका कर्मचारी तथा शुभेच्छुकगरी ३९२ जनाले रक्तदान गरेको बताइएको छ । सो कार्यक्रममा बैंकका प्रमुख कार्यकारी अधिकृत संजिव मानन्धरले रक्तदातालाई धन्यवाद दिँदै, यसबाट रगत आवश्यकता भएकाको जीवन रक्षामा सहयोग पुग्ने अपेक्षा रहेको बताए । आगामी दिनमा पनि सामाजिक सेवाका कार्य गर्दैजाने प्रतिबद्घता व्यक्त गरे ।