अमेरिकी उप–विदेशमन्त्री वर्मा नेपालमा

काठमाडौं – व्यवस्थापन तथा श्रोतसम्बन्धी अमेरिकी उप–विदेशमन्त्री रिचार्ड वर्मा नेपाल भ्रमणमा आएका छन् ।

उनी नेपालमा रहँदा विभिन्न भेटघाट र युएसएआइडीका परियोजनाको अनुगमन गर्ने बताइएको छ ।

भ्रमणको क्रममा उप–विदेशमन्त्री वर्माले नेपाल सरकारका नेतृत्वकर्ता, युएसएआइडी नेपालका कार्यक्रम कार्यान्वयन साझेदार, चिया विज्ञ र नेपाली व्यवसायीसँग भेट तथा छलफल गर्ने कार्य तालिका रहेको नेपाल स्थित अमेरिकी दूतावासले जानकारी दिएको छ ।