२१ ठाउँमा एकैचोटी ओशोधाराको ध्यान योग कार्यक्रम 

Image

काठमाडौं – ध्यान, प्रज्ञा र योग समेटिएको ओशोधाराको तीन दिवसीय ध्यान योग कार्यक्रम आइतवार समापन भएको छ । भारतका विभिन्न राज्य तथा नेपालका तीन साधना केन्द्रसहित २१ ठाउँमा आयोजना भएको कार्यक्रम शुक्रवारदेखि सञ्चालनमा थियो । ओशोधारा साधना केन्द्र  ललितपुर, भक्तपुर र मंगलापुर बुटवलमा कार्यक्रमको आयोजना भएको थियो। 

कार्यक्रममा ६ सयभन्दा बढी साधकलाई समर्थगुरू सिद्धार्थ औलियाले जुमको माध्यमबाट ओशो नव सन्यास दीक्षा, नाद दीक्षा र माला दीक्षा प्रदान गरेका थिए। विभिन्न ठाउँमा विभिन्न आचार्यहरूले कार्यक्रम संचालन गरेका थिए। ललितपुर साधना केन्द्रमा आचार्य डा. प्रद्युम्नराज पाण्डे, आचार्य डा. नम्रता पाण्डे र आचार्य इन्जिनियर अनन्त विष्टले कार्यक्रममा ध्यान तथा प्रज्ञाको प्रशिक्षणमार्फत साधना विधिमा सहजीकरणको भूमिका निर्वाह गरेका थिए।