पाटनमा लक्ष्मी सन्राइज बैंकको स्थानान्तरित शाखा

काठमाडौं - लक्ष्मी सन्राइज बैंकले ललितपुरमा आफ्नो शाखा स्थानान्तरणमार्फत सेवा विस्तार गरेको छ । बैंकको काठमाडौं महानगरपालिका–२२ स्थित पाको, न्यू रोडमा रहेको शाखालाई ललितपुर महानगरपालिका–९ स्थित पाटनको च्यासलमा स्थानान्तरण गरिएको हो । स्थानान्तरण गरिएको साविकको शाखाका ग्राहकले न्यू रोडमै रहेको अर्को शाखा (अघिल्लो शाखाबाट ३०० मिटर पूर्वतर्फ)  मार्फत सेवा लिन सक्ने बताइएको छ ।

शाखा स्थानान्तरण भएसँगै बैंकले आफ्नो सेवा विस्तार गर्दै ग्राहकमाझ बैंकिङ सेवाको पहुँच थप सहज बनाउने विश्वास राखेको बताइएको छ । स्थानान्तरण भएको शाखाले ग्राहक तथा व्यवसायीलाई सबै प्रकारका रिटेल बैंकिङ सेवा प्रदान गर्ने बताइएको छ । बैंकले २५४ शाखा, ३२५ एटिएम, २६ एक्स्टेन्सन काउन्टर र १२८ शाखारहित बैंकिङ एजेन्टमार्फत सेवा दिँदै आएको बताइएको छ ।