शुभ यात्रा कलेक्सन सफारी ब्याग्स धेरै विक्री गर्ने डिलर

काठमाडौं – लगेज तथा ब्याकप्याक ब्राण्ड सफारी ब्याग्सको डिलर स्किममा सर्वाधिक विक्री गर्ने पुतलीसडकस्थित शुभ यात्रा कलेक्सन सर्वोत्कृष्ट डिलर भएको छ । उक्त स्किममा सर्वोत्कृष्ट डिलर हुने शुभ यात्रा कलेक्सनका चेयरम्यान दर्शन खनाललाई जगदम्बा मोबाइल्सका कार्यकारी निर्देशक सक्षम जाटियाले टिभिएस रोनिन मोटरबाइक र टिभिएस एन्टर्क स्कुटर प्रदान गरेका थिए ।

सफारी ब्याग्सका बिजनेस हेड सन्तोष श्रेष्ठले कम्पनीले बजार र ग्राहकको मागअनुसार उच्च गुणस्तरको लगेज र ब्याकप्याक अन्तरराष्ट्रिय वारेन्टीका साथ आकर्षक मूल्यमा उपलब्ध गराउँदै आएको बताए । कम्पनीको लगेज र ब्याकप्याक उच्च गुणस्तरीय हुनुका साथै विक्रीपछिको सेवा पनि राम्रो भएकाले ग्राहकले रुचाएको उनको भनाइ छ ।

भारतीय लगेज ब्राण्ड सफारी ब्याग्सको नेपालका लागि नेसनल डिस्ट्रिब्युटर जगदम्बा मोबाइल्स प्रालि रहेको छ । यसका डिलर नेपालभर रहेको बताइएको छ ।