मुटु
![Image](/thumbnails/dd502fd2-1547-46e3-96c8-a31c231cadfa_deepa regmi.jpg)
मेरो मुटु,
यो धड्कनको न्यानो धरोहर,
अनन्त प्रेम र पीडाको अभिव्यक्ति,
जिन्दगीको हरेक मोडमा,
कहिले हाँस्दै, कहिले रुँदै ।
यो मुटु,
ममता र मर्मको समुन्द्र,
मनका अनगिन्ती भावनाहरूको संग्रह,
असंख्य सपनाहरूको रंगीन पंख,
जीवनको आशा र विश्वासको सङ्गीत ।
कहिले कसैले धोका दिएर टुक्र्याउँछ,
कहिले कसैले मायाको मलम लगाउँछ,
यो मुटु,
अनन्त यात्रामा थकित,
तर पनि नथाक्ने यो धड्कनको रहस्य ।
सम्झनाका सुन्दर पलहरू,
पीडाका तीव्र क्षणहरू,
मुटु भित्र सबै सङ्गालेर,
म रहन्छु,
जीन्दगीको हर मिठो पीडामा।
मुटु, तिमी मेरो साथ रहुन्,
सपना र हौसलाका पंख भरी,
हिँडौं हामी, जीवनको हरेक मोडमा,
हाम्रो कथा लेख्दै,
अनन्त प्रेमको धरोहरमा।