वेद इन्टरनेशनलको १४औं वार्षिकोत्सवमा ‘वेद फर इभर’ कार्यक्रम

काठमाडौं – वेद इन्टरनेशनल एजुकेशनल कन्सल्ट्यान्सीले आफ्नो १४औं वार्षिकोत्सवको अवसरमा ‘वेद फर इभर’ विशेष कार्यक्रमको घोषणा गरेको छ। २०१० देखि नेपाली विद्यार्थीलाई बेलायत, अमेरिका, क्यानडा, र अष्ट्रेलिया जस्ता देशहरूमा अध्ययनका लागि पठाउँदै आएको यस परामर्श संस्थाले आयल्स तयारी कक्षाहरू सञ्चालन गर्दै आएको छ।

कार्यक्रमबारे जानकारी दिँदै वेद इन्टरनेशनलका  सीईओ आशिक कार्कीले भने, ‘यो वार्षिकोत्सव हाम्रो लागि मात्र होइन, विद्यार्थी र उनीहरूका अभिभावकहरूका लागि पनि विशेष अवसर हो। यो कार्यक्रमले हाम्रो सेवालाई अझ प्रभावकारी बनाउन र सम्बन्धलाई थप प्रगाढ बनाउन मद्दत गर्नेछ।’

कार्यक्रम अन्तर्गत १५ दिनअघि नै अभियान शुरू गरिएको छ। यस अभियानमा चारओटा प्रमुख गतिविधिहरू समावेश भएको बताइएको छ । कार्यक्रम अन्तर्गत चार देशका प्रतिनिधिहरूसँग विशेष भेटघाट आयोजना गरिँदैछ, जसमा बेलायत, अमेरिका, क्यानडा, र अष्ट्रेलियाका शैक्षिक प्रतिनिधिहरू सहभागी हुनेछन्। भिसा प्राप्त गरिसकेका विद्यार्थीका अभिभावकलाई चिया–पान कार्यक्रमको आयोजना गरी मायाको चिनो प्रदान गरिने सीईओ कार्कीले जानकारी दिए। हाल कक्षा लिइरहेका विद्यार्थीका लागि चारओटा निःशुल्क मक टेस्ट उपलब्ध गराइने बताइएको छ। यसका साथै, विशेष खेलहरू आयोजनासहित विजेताहरूका लागि बन्जी जम्प, चितवन÷सौराहाका लागि फ्लाइट टिकट, जिपलाइन टिकट, र पारिवारिक फिल्म टिकटजस्ता पुरस्कार राखिएको छ।

कार्यक्रमको मुख्य आकर्षण निःशुल्क आयल्स तयारी कक्षा हो, जसले अध्ययनका लागि विदेश जाने तयारी गरिरहेका विद्यार्थीहरूलाई थप अवसर दिनेछ। वेद इन्टरनेशनलको यस वार्षिकोत्सव कार्यक्रमले विद्यार्थी, अभिभावक र शैक्षिक प्रतिनिधिहरूलाई एकसाथ ल्याएर सम्बन्धलाई अझ प्रगाढ बनाउने लक्ष्य राखेको कार्कीले बताए।