नागरिकलाई हल्लाउने राज्य

काठमाडौं– आजकल सामाजिक सञ्जालमा धेरै कुरा भाइरल भएका छन् । भाइरल हुने हरेक ‘कन्टेन्ट’ले कुनै न कुनै म्यासेज बोकेका हुन्छन् । यसैबीच शनिवार सामाजिक सञ्चालमा एउटा भिडियो क्लिप भाइरल भएको छ । रुटिन अफ नेपाल भन्ने पेजले (अरुले पनि हुनसक्छ, पुष्टि भएको छैन) ‘मुगुको एक यात्राको क्रममा बुवा भन्नु हुन्छ , ' बसले हल्लाएको होइन यो राज्यले हल्लाएको हो ’ भन्दै राखेको भिडियोमा एक यात्रुको मन छुने संवाद सुनिन्छ ।

संवादमा कसैले बसले हल्लाएको प्रसंग उठाएको छ, त्यस प्रसंगमा उनले भनेका छन्, ‘यो बसले हल्लाएको होइन्, राज्यले हल्लाएको हो, राज्यले सुविधा दिएको भए बसले किन हल्लाउँथ्यो ?’ राज्यको कमजोरीका कारण गाडीले हल्लाएको उनको तर्क छ । ‘गाडीले पनि हल्लाएको होइन, ड्राइभरले पनि हल्लाएको होइन्, राज्यले हल्लाएको हो,’ उनको जवाफ छ ।